Historia di Imelda Kleuterschool
Na aña 1959 un comicion di dama a ser forma. E comicion a consisti di Sur Colasica y 5 dama. E comicion a ser lanta pa recauda fondo pa expanshon di e bewaarschool existente, esta St. Imelda Bewaarschool.
Na aña 1959 y 1960 a cuminsa contrui e scol y Imelda Kleuterschool a habri oficial na comienso di aña 1961. Door di e logronan di un comicion di damas cu a ser forma pa expande Imelda Kleuterschool. Na aña 1994 nos scol a haña airco.
E prome cabeante di scol tabata Sr.Nolasca. Despues a bini Sr. Dominica pero despues a wordo nombra como Inspectora di kleuteronderwijs. Despues a sigui un par otro cabesante nan:
1970: Mac Jannet
1970: Enit Harms
1970 - 1996: Juffrouw Ivis Halabi - Roos
E nomber di scol, ta dedica na Beata Imelda Lambertini. Beata Imelda ta un mucha Italiano. Su mama tawata tin dificultad pa sali na estado. E mama a resa rosario cu hopi debocion. Esaki ta e milager di e nacemento di Maddalena Lambertini (nomber original di Beata Imelda).
Como mucha e tawata traha altar cu flor. Aki e tawata pasa oranan ta resa. Su stimacion pa Mama Maria tawata hopi visibel. Su deseo di mas grandi tawata pa tuma Santa Hostia. Como mucha esaki no tawata posibel. Su momentonan dilanti Santisimo Sacramento tawata momentonan di hopi balor pa su persona. Na edad di 9 aña, Maddalena ta logra combense su mayornan pa e drenta combento. Cu hopi debocion Maddalena ta practica na e momentonan di oracion y tawata sigui e reglanan di e combento cu hopi amor.
Riba dia di fiesta di La Birgen Maria, dia 12 mei, na momento cu tur e surnan a tuma Santa Hostia. Di un forma milagroso, un hostia a aparece riba cabes di Imelda. E momento ey, pastor a consagra e hostia y a duna Imelda. Riba e mesun fecha aki despues di tuma hostia , Imelda ta fayece. Na aña 1826: Imelda a ser declara Beata dor di Papa Leon XII.
Na aña 1910: Imelda a ser declara Patrona di tur e muchanan cu ta ricibi Prome Santa Comunion. Asina tambe Imelda ta e patrono di Imelda Kleuterschool.
Oracion Beata Lambertini
Mi bon Hesus,
Beata Imelda a stimabo asina hopi
Y Abo dushi Hesus a ricibie na un manera hopi special.
Mi ta pidibo Hesus, yudami Y siñami stimabo mas y mas den e Eucaristia Manera Beata Imelda, mi kier stimabo pa Abo biba Y reina den mi pa semper
Te den eternidad.
Amen.
